WÖUKOMME uF DE HOMEPAGE VO DE GRoNZER!
Aktuelles
time to schwein -
3o Johr Versout!
Wie ehr vellech scho ghört hend, döffid mer Gronzer die Fasnacht Gebortstag fiire ond uf 30 soumässig gueti Jöhrli ahstosse.
Das moss natürlich ou gfiired wärde, dorom esch bi üs einiges los das Johr🤪!
Mer sei ganzi 52 aktivi Schweinis, wo die kommendi Faschingsaison döffid zäme onderwägs si.
Das esch aber no lang ned alles, wöu s hei sech nämli ganz vöu vo üsne ehemolige Schweinchens förs Metfiire ah üsem Jubi-Johr gmäudet😏.
Dorom döffid mehr vier Ahläss zäme bestrite ond met rond 132 Gronzerlis uf einere Böhni stoh, war för ne Freud🥰😍!
Ehr wärdid üs alli zäme donig ahträffe:
SO, 10.01.2027, Dorffasnacht Ebersecken
SO, 31.01.2027, Städlifasnacht Willisau
FR, 05.02.2027, Elefantenball Roggliswil
SO, 07.02.2027, Fasnacht Altishofen
Witers wend mer natürli ou met üsne Guggefrönde gebührend chönne ahzstosse ond schmeisse dorom e Jubi-Party am Samstig, 09.01.2027.
Mer hei e Soufreud, dass ganzi 32 (!) Guggene de Wäg wärdid uf sech näh uf Äbersecke, das esch eifach de Wahnsinn 🫨🥹.
Es riese MERCI bereits etz ah dere Stöu ah üch alli, liebi Guggene!
Ond zom Schloss hemmer no e chlini Info wäg de Gronzer-Party, respektive üsem Kääääse-Spaaass (üsem Raclette-Plousch).
Do mer jo de äbe im Januar gross döffid fire, fendet im November usnahmiswiis am Samstig nor de Raclette-Plousch statt ond kei Gronzer-Party😉.
Dorom chasch der bereits etz dis Ticket sichere!
.png)
Auso ehr Liebe, wie ehr gsend, louft soumässig vöu aber ou soumässig guet 😏!
Dorom, bes baud ond schweinische Grüsse
Üchi Gronzer
Fasnachtswoche 2026
.png)
Ond scho esch die weder döre, die diesjöhrigi Faschings-Saison.
Mer luege zrog uf ne Fasnachtwoche met vöu lostige, gsöffige ond soumässige guete Erläbnis, Gspröch ond Abentüür!
Gärn wend mer üch es paar Ihblick gäh ih üsi 5. Johresziit, dorom chönd ehr d Föteli vode Fasanchtswoche sowie üsi Vereinsfotis donig go ahluege:
Danke vöu mou ah dere Stöu ih der, Stephi, dass du üs emmer im beste Liecht (oder Näbu) dosch portätiere, es sei nämli au Johr eifach geniali Fötelis!
Mer wönschid ou üch ganz vöu Spass bim Döreluege ond natürlich aune e rüüüüdig schöni Fasnacht 2026!
Bes baud,
Üchi Gronzer 🐷
Motto Fasnacht 2027
Im Probeweekend letzt November hend mer öber üses neue Motto abstomme, wöu mer im 2027 döffid Gebortstag fiire; nämli 30 Jahre Ricke-Grunzer Ebersecken. Us dem Grond döffid mehr nöchst Johr fästlich onderwägs si, ganz getreu im diesjährige Motto:
Time to Schwein
Mer freuid üs bereits sett einiger Ziit sehr uf üses Jubi-Johr, wo mer zäme met üsne ehemolige Gronzer döffid verbringe. Witeri Infos diesbezüglich folgid baud...
